Бош прокурор ўринбосари Светлана Артикова раислигида Жиноий фаолиятдан олинган даромадларни легаллаштиришга, терроризмни ҳамда оммавий қирғин қуролини тарқатишни молиялаштиришга қарши курашиш бўйича Идоралараро комиссиянинг навбатдаги мажлиси бўлиб ўтди.

Мажлисда мамлакатимизнинг жиноий фаолиятдан олинган даромадларни легаллаштиришга қарши курашиш соҳасидаги қонун ҳужжатлари ҳамда амалиёти ФAТФ тавсияларига мувофиқлигининг дастлабки натижалари Евроосиё гуруҳи Ижроия котиби С.Тетеруков ва эксперт-баҳоловчилар иштирокида атрофлича муҳокама қилинди.

Тадбир якунида ЕОГ эксперт-баҳоловчилари вазирлик ва идоралар вакиллари билан конструктив мулоқот ўтказилганлигини ҳамда миллий тизимни ФАТФ тавсияларини инобатга олган ҳолда такомиллаштириш бўйича юқори натижаларга эришилганлигини қайд этишди.