Ўзбекистон Республикаси Ҳарбий прокуратураси органлари саховат, мурувват ва меҳрибонлик уйларида хайрия тадбирлари ўтказиб келмоқда. Жумладан, Самарқанд ҳарбий прокуратураси томонидан навбатдаги тадбир Самарқанд шаҳридаги саховат уйида ўтказилди.

Унда муассасадаги 148 нафар кексалар ва ногиронларнинг ҳолидан хабар олинди ҳамда улар учун байрамона дастурхон ёзилди. Шунингдек, Марказий ҳарбий округнинг ҳарбий оркестри томонидан концерт намойиш этилди.

Саховат уйида яшовчи отахон ва онахонлар дуога қўл очиб, ватанимиз доим тинч ва осмонимиз мусаффо бўлишини тилаб, тадбир ташкилотчиларига миннатдорчилик билдирдилар. Ҳарбий прокуратура органлари томонидан бу каби тадбирлар давом эттирилмоқда.