Мурожаатчи тарихдан дарс берадиган бўлди

16:30 - 23.09.2021

4

Фарғона вилояти прокурори Бахтиёржон Исмоиловнинг фуқаролар ва юридик шахсларнинг вакиллари билан учрашувлари давом этмоқда. Прокурорнинг навбатдаги сайёр қабули Фарғона шаҳридаги «Тўқимачилар» истироҳат боғида бўлиб ўтди. Унда шаҳардаги тўртта секторнинг, корхона ва ташкилотларнинг раҳбарлари, масъул ходимлари қатнашди. Сайёр қабулга келган фуқароларнинг 35 та мурожаатидан 16 таси жойида қаноатлантирилди. Хусусан, М.Раҳмонованинг мурожаати шу куннинг ўзида кўриб чиқилиб, мутахассислиги бўйича 21-мактабга тарих фани ўқитувчиси вазифасига қабул қилинди. М.Ёқубованинг мурожаати ҳам қаноатлантирилиб, турмуш ўртоғи И.Ёқубовга ногиронлар аравачаси топширилди.  

Шаҳарнинг Жўйдам маҳалласида яшовчи, «аёллар дафтари»га киритилган М.Назирова ва Х.Юсупованинг мурожаатлари ўрганилиб, уйларини таъмирлашга ёрдам берилиши белгилаб олинди.