Ёнмаган ёнилғи операторнинг ўзини “ёқди”

18:00 - 20.09.2021

11

Департаментнинг Ғузор тумани бўлими томонидан «М.Э.» фермер хўжалиги раҳбари ва бошқаларнинг мурожаати юзасидан текшириш ўтказилди.

Унда аниқланишича, «Қарши нефть базаси» МЧЖ Ғузор филиалига қарашли 7-фермерларга ёнилғи тарқатиш шохобчаси бош оператори Х.Ў. 2020 йил октябрь ойида тумандаги 8 та фермер хўжалигига 43,5 млн. сўмлик 7179 литр ёнилғини тарқатмаган бўлса-да, фермер хўжаликларининг ишончномалари ва нефть маҳсулотларини тарқатиш ведомостларини қалбакилаштирган.

Шунингдек, у ўзи қабул қилиб олган «ЭКО» маркали 107,5 млн. сўмлик 17730 литр дизель ёнилғиси ва 564,3 минг сўмлик 94 литр оддий дизель ёнилғисини фермерларга тарқатмасдан сотиб юбориб, жами 151 млн. 612 минг 400 сўмлик мулкни талон-торож қилган. Етказилган зарар қопланиб, ёнилғифурушга қонуний жазо тайинланди.