Тошкент шаҳар прокуратураси органлари ҳам қонунийликни мустаҳкамлаш, фуқароларнинг ҳуқуқ ва эркинликларини муҳофаза қилиш, жиноятчилик ва ҳуқуқбузарликларнинг олдини олиш бўйича кенг кўламли ишларни амалга оширмоқда.

Шаҳар аҳлининг 1 млн. 107 минг 550 нафари – ёшлар. Болаларнинг ҳуқуқларини ҳимоя қилиш масалалари ҳам доимий назоратда. Барча таълим ташкилотларига шаҳар прокуратураси органларининг ходимлари ёрдам кўрсатиш учун бириктирилган. Таълим муассасаларидаги муаммолар ўрганилиб, ҳал этиш чоралари кўриб келинмоқда.

Вояга етмаганлар ўртасида жиноятчилик ва ҳуқуқбузарликларга қарши кураш кучайтирилгани ҳамда ҳуқуқ-тартибот органлари ва бошқа идоралар билан ҳамкорлик тўғри йўлга қўйилгани натижасида улар томонидан 24 та жиноят содир этилган бўлиб, ўтган йилнинг шу даврига нисбатан камайишига эришилди.