Бойликлар қонунга зид қазиб олинган

13:00 - 31.07.2021

14

«Ер ости бойликлари тўғрисида»ги қонун ва Ўзбекистон Республикаси Президентининг «Норуда фойдали қазилмаларни ўз ичига олган ер қаъри участкаларидан фойдаланиш самарадорлигини ошириш бўйича қўшимча чора-тадбирлар тўғрисида»ги 4078-қарори юзасидан ўтказилган назорат тадбирларида Тошкент табиатни муҳофаза қилиш прокуратураси томонидан 14 та тадбиркорлик субъекти 13,1 млрд. сўмлик ер ости бойликларини қонунга зид равишда қазиб олгани аниқланиб, жиноят иши қўзғатилди. 

Хусусан, Оҳангарон туманидаги «DK Brik» МЧЖ мансабдорлари 2,3 млрд., «New city production» МЧЖ эса 1,1 млрд. сўмлик ғишт ишлаб чиқариш учун лицензия олмасдан туриб тупроқ қазиб олгани учун қўзғатилган жиноят ишлари судда кўрилмоқда, етказилган зарар тўлиқ ундирилган.