Камбағал оилаларда уй-жой қувончи

10:30 - 09.07.2021

11

Мамлакатимиз аҳолисининг турмушини яхшилаш бугуннинг энг долзарб масалаларидан биридир. Бўстон тумани 2-секторида «ёшлар дафтари»га киритилган 48 кишига 1 млрд. 284 млн. сўм имтиёзли кредит ажратилди, 30 киши ишга жойланди. «Аёллар дафтари»га киритилган 20 киши ҳам иш билан таъминланди.

Деҳқонобод маҳалласида яшовчи Махсадхон Усмоновага ва Меҳнатобод маҳалласида яшовчи, камбағал оилалар рўйхатида турувчи Аҳмаджон Ҳомидовга 2 хонали уй қуриб берилди. Наврўз маҳалласида истиқомат қилувчи Баҳодиржон Неъматуллаев учун қурилаётган 3 хонали уй эса битиш арафасида.

Деҳқонобод маҳалласида яшовчи Камолиддин Йўлдошевнинг ҳовлисига девор қуриб берилди. Гулистон маҳалласида яшовчи Замирахон Шамсиддинованинг уйи таъмирланди.

Бундан ташқари, Халқобод маҳалласида яшовчи М.Рўзиева ва М.Қодиров ўзининг 50 млн. сўм пули ва 28 млн. сўм кредит ҳисобига мазкур ҳудудда бўш турган бинога 12 та тикув машинаси олиб келди ва 17 та иш ўрни яратди. Шу аснода ушбу ҳудуддаги 17 нафар аёл иш билан таъминланди.