“Видеотасвирларни тарқатиб юборсам, шарманда бўласан…”

18:00 - 15.06.2021

15

Бугунги кунда айрим фуқаролар худди шу сўзлар билан таҳдид қилиб товламачилик қилишмоқда. Ўзгаларнинг шахсий ҳаётига доир маълумотларини ошкор қилиш эвазига мўмай даромад топаман деб жиноятга қўл ураётганлар ҳамма ҳудудда учрамоқда. 

Бош прокуратура ҳузуридаги Департаментнинг Хоразм вилояти бошқармаси ва Янгиариқ тумани бўлими ходимлари томонидан ўтказилган тезкор тадбирда  фуқаро Ҳ.М. шу туманда яшовчи М.А.нинг шахсий ҳаёти билан боғлиқ бўлган видеотасвирларни бошқаларга тарқатмаслиги эвазига 6 минг АҚШ долларини олаётган вақтида ашёвий далиллар билан ушланди. 

Тарози хилма-хил бўлса-да, тош бир хил. Бугун ахолининг қонуний манфаатларини ҳимоя қилиш, қонун устуворлигини таъминлаш, инсон манфаатларини ҳимоя қилиш борасида тизимли ишлар амалга оширилаётган бир вақтда ўз манфаати йўлида мўмай даромад топишни касб килган товламачилар ҳам жазосиз қолмайди.

Ҳозирда мазкур ҳолат юзасидан фуқаро Ҳ.М.га нисбатан Ўзбекистон Республикаси Жиноят кодексининг 165-моддаси 1-қисми билан жиноят иши қўзғатилиб, тергов ҳаракатлари олиб борилмоқда. 

Албатта, ушбу фуқаронинг қилмишлари ҳам бошқалар учун яхшигина сабоқ вазифасини ўтайди.