Оила ажрашиш ёқасига келиб қолгач, эр-хотин ўртасида бола талаш бўлади. Лекин ҳеч ким боланинг руҳий ҳолати, хоҳиши билан қизиқмайди.

Фуқаролик ишлари бўйича Ромитан туманлараро судининг 2019 йил 30 октябрдаги 2014 йилда туғилган Салим Меҳриддиновни (исм ва фамилиялар ўзгартирилган) А.Робиевдан Н.Латиповага олиб бериш тўғрисидаги ижро ҳужжати 2019 йил 5 ноябрда бюронинг Жондор тумани бўлимига келиб тушган ва ишга киришилган.

Мажбурий ижро ҳаракатлари давомида боланинг тураржойи ҳақида маълумот бўлмагани ва отаси билан Россияга кетгани сабабли С.Меҳриддиновга қидирув эълон қилинган. Натижада бола Россиядан топилиб, Ўзбекистонга олиб келинди ва онасига топширилди. Энди Салим онаси бағрида бехавотир ва бахтли яшаши Н.Латипова ва А.Робиевга боғлиқ.