“Дафтар”дан чиқаётган аёллар

15:30 - 29.04.2021

2

Турмуш шароити оғир хотин-қизларни қўллаб-қувватлаш, уларга давлат томонидан кўмаклашиш тизими жорий этилгани кўплаб аёлларни қийин вазиятдан олиб чиқмоқда. хусусан, Тахиатош туманида «аёллар дафтари»га киритилганларнинг бандлигини таъминлаш, психологик ва моддий қўллаб-қувватлаш режаси ишлаб чиқилиб, шу асосда 105 нафар хотин-қизнинг бандлиги таъминланди. 37 аёл ўзини ўзи банд қилишига ёрдам кўрсатилиб, 36 та аёлга ишсизлик нафақаси тайинланди. 100 га яқин хотин-қиз ҳунарга ўқитилди ва доимий иш билан таъминланди.

Тадбиркорликни ривожлантириш мақсадида 27 аёлга банклардан 405 млн. сўм кредит олишига кўмаклашилди. Масалан, У.Авезова ширинликлар ишлаб чиқариш учун банкдан 33 млн. сўм имтиёзли кредит олди. Ҳозир у ўз бизнесини йўлга қўйган. 

Туман прокуратураси томонидан дафтарга киритилган, ҳуқуқий ёрдамга муҳтож аёллар билан мунтазам учрашувлар ташкил этилиб, маслаҳатлар бериб борилмоқда.