Қурилиши давом этаётган ушбу кўп қаватли бино Тошкент шаҳри Яшнобод тумани Алимкент 1-тор кўчасида жойлашган. Бино қурилишидаги инновацион ёндашув эътиборни тортмай қолмайди.

Қурувчилар дарахтларни асраб қолиш мақсадида антиқа ечим топган кўринади. Қизиқ, бино шамолда дарахтни қўпорилишдан асрайдими ё дарахт бинонинг таянчи? Қурғур ақлимизга бундан ортиқ жўяли ечим келмаяпти-да.

Қизиқ, тасдиқлангунича бир неча кабинетларга кириб чиққан бино лойиҳасида дарахтларни шу тариқа асраб қолиш кўзда тутилганмикан? Агар мақсад табиатга уйғун архитектура бўлса, натижаси қандай бўлади?

Қурилиш вазирлигидан изоҳ кутиб қоламиз.