Ўзи назорат соҳаси мутасаддиси бўлган одам ноқонуний ишга қўл урса-ю, яна қилмишини яшириш учун қонун посбонига пора таклиф қилса, буни қандай баҳолаш мумкин?

Деҳқонобод тумани ИИБ томонидан Давлат санитария эпидемология назорати инспекцияси Деҳқонобод филиали мудири Э.Р. ва бошқаларга нисбатан маъмурий материал расмийлаштирилди. Бироқ Э.Р. қонуний чора кўрмаслик эвазига туман ИИБ профилактика инспекторига 1 миллион сўм тиқиштиришга уринди.

Департаментнинг Деҳқонобод тумани бўлими томонидан туман прокуратураси ва ИИБ ходимлари ҳамкорлигида ўтказилган тадбирда у шу пулни инспекторга берган вақтида ашёвий далиллар билан қўлга олинди.

Суд ҳукми билан унга нисбатан жазо муқаррарлиги таъминланди.