Ҳокимлик захирасидаги ерни сотиш осонми?

18:00 - 29.03.2021

6

Мамлакатимизда ер ажратиш ва ундан фойдаланишда коррупция, фирибгарлик иллатлари учраб турибди. Хусусан, Ҳазорасп туманида яшовчи Б.С. ва П.Р. жиноий тил бириктириб, шу туманда яшовчи Л.К.га 2 та уй қуриши учун 12 сотих ерни 10 минг АҚШ долларига сотишини билдириб, дастлаб 1 та уй учун 6 сотих ер эвазига 5 минг доллар сўрайди.

Ноқонуний ҳаракатни англаган Л.К. ушбу жиноятга барҳам бериш мақсадида ҳуқуқни муҳофаза қилувчи органга мурожаат қилади. 

Унга асосан ўтказилган тадбирда ҳазорасплик фуқаролар танишига туман ҳокимлиги захирасида бўлган ердан 6 сотихини туман ҳокимлиги ва кадастр бўлимида ишловчи танишлари орқали ажратилишини таъминлаб, эгалик қилиш ҳуқуқини берувчи қарорни чиқариб беришни ваъда қилиб, 5 минг долларни олган вақтида департамент ходимлари томонидан ашёвий далиллар билан ушланди. 

Ҳозир мазкур ҳолат юзасидан жиноят иши қўзғатилиб, тергов ўтказилмоқда. Айбдорлар жазосини олиши муқаррар.