Қўшма корхона ишчиси Қ.М. ўз ишини қилиб юрганида олам гулистон эди. Бироқ у ўзининг ваколатига кирмайдиган ишга аралашиб, мўмайгина пул ишлаб олишни кўзлади.

Департаментнинг Ғузор тумани бўлими фуқаро Р.А. ва бошқаларнинг мурожаати юзасидан ўтказган тадбирда унинг кирдикорлари ошкор бўлиб қолди. Қ.М. Ғузор туманидаги «Ug» масъулияти чекланган жамиятида ишлайдиган юқори лавозимли танишлари орқали ишга киритиш мақсадида икки кишидан жами 800 АҚШ доллари талаб қилиб, дастлаб «хамир учидан патир» сифатида 200 доллар олган. Қолган 600 долларни тадбир куни Р.А.дан олган вақтида ушланди. Суд ҳукми билан Қ.М.га қилмишига яраша жазо тайинланди