Қамаши тумани «Сувоқава» филиалида шохобча оператори вазифасида ишлаган О.Солаев 2019 йилнинг 1 февраль куни ноҳақ ишдан бўшатилди. Рўзғор тебратиши қийинлашиб борди, бир тарафдан болалари катта бўлишаяпти. Фуқаро орадан 1 йилу 8 ой ўтиб судга мурожаат қилди. Ишга тиклаш тўғрисидаги ижро варақаси бюронинг Қамаши тумани бўлимига келиб тушгач, дарҳол ижро этилди ва адолат қарор топди.

Шуни алоҳида таъкидлаш керакки, Президентимизнинг «Суд ҳужжатлари ва бошқа органлар ҳужжатларини ижро этиш тизимини янада такомиллаштириш чора-тадбирлари тўғрисида»ги фармонида ишга тиклаш, иш ҳақи ва унга тенглаштирилган тўловларни ундиришни назарда тутувчи ижро ҳужжатларини ундирувчи дастлаб қарздор ташкилотга тақдим этиши, ташкилот уни бажармаган тақдирда охирги чора сифатида Мажбурий ижро органларига тақдим қилиши белгилаб берилди.

Қонунчиликка киритилган бу ўзгариш фуқароларнинг ортиқча овора бўлишининг, пул ва вақт йўқотишининг олдини олади. Бу мансабдорларнинг қонунларга ҳурматини ошириш баробарида масъулиятини ҳам кучайтиради