Қарз эвазига мулк

16:30 - 07.03.2021

13

Мажбурий ижро бюроси ташкил этилганидан буён бюро органлари фаолиятини такомиллаштиришга қаратилган фармон ва қарорлар қабул қилинди. Ўтган давр мобайнида Сирдарё вилоятида давлат ижрочилари томонидан 10,2 млрд. сўмлик 180 та автотранспорт, 27 млрд. сўмлик 63 та кўчмас мулк, 1,6 млрд. сўмлик 40 та махсус техника ва бошқа мулклар онлайн-аукцион орқали сотилиши таъминланди.

Бюро органлари юритувидаги ижро ҳужжатлари сонини ҳамда қарздорликни қисқартириш, ундирув самарадорлигини ошириш мақсадида давлат ижрочилари томонидан хатланган 819,5 млн. сўмлик 7 та автотранспорт, 55 млрд. сўмлик 64 та кўчмас мулк ва 2,5 млрд. сўмлик 25 та махсус техника ва бошқа мулклар онлайн-аукционга чиқарилган бўлиб, ҳозир савдолар давом этмоқда. Тушадиган пуллар қонунда белгиланган тартибда қарзларни қоплашга йўналтирилади.