2021 йил — «Ёшларни қўллаб-қувватлаш ва аҳоли саломатлигини мустаҳкамлаш йили»га мўлжалланган Давлат дастуридан

Электр энергияси ва табиий газ таъминотида монополияни
бекор қилиб, бозор муносабатларини шакллантириш мақсадида суюлтирилган газ импорти учун белгиланган божхона божи
ва уни импорт қилиш учун талаб этиладиган рухсат этиш хусусиятига эга ҳужжатлар бекор қилинади.

2021 йил 1 июнга қадар ишлаб чиқарувчи ва импортёрлар
учун электр энергияси ва табиий газ билан таъминлаш соҳасига
бозор механизмларини жорий этиш орқали улгуржи бозорни шакллантириш “Йўл харитаси” ишлаб чиқилади.

Энергетика вазирлиги “Йўл харитаси” ишлаб чиқилишини
таъминлайди, биринчи босқичда 2021 йил 1 августдан бошлаб,
йирик корхоналарга электр энергияси ва табиий газни импорт
асосида сотиб олиш ҳуқуқи берилиши назарда тутилади.