Қонун мазмун-моҳияти тушунтирилди

10:04 - 26.02.2021

11

Ўзбекистон Республикаси Транспорт прокурори вазифасини бажарувчи М.М.Ходжаевнинг ташаббуси билан 2021 йил 25 февраль куни 2021 йил 18 февралдаги Ўзбекистон Республикасининг “Ўзбекистон Республикасининг Жиноят ҳамда Жиноят – процессуал кодексларига ўзгартиш ва қўшимчалар киритиш тўғрисида”ги Қонунининг мазмун – моҳияти, амалиётда татбиқ этиш масалаларига бағишланган ўқув семинари бўлиб ўтди.

Унда Ўзбекистон Республикаси транспорт прокурори ўринбосари М.М.Музаффаров ва тегишли тармоқ раҳбарлари, Судьялар Олий Кенгаши ҳузуридаги Судьялар олий мактаби доценти, юридик фанлари номзоди Б.А.Мўминов , Жиноят ишлари бўйича Мирзо Улуғбек туман суди судьялари В.О.Цветков ва М.В. Қаюмовлар ҳамда тарснпорт прокуратурасининг ҳудудий прокурорлари, прокурор ёрдамчилари ва терговчилар қатнашди.

Ўқув семинарда барча иштирокчиларга Қонун талаблари, уни амалиётда қўллаш масалалари батафсил тушунтирилди.

Семинар якуни бўйича иш жараёнида қонунни қўллаш юзасидан ягона амалиётни шакллантириш, тергов сифатини яхшилаш, ходимларнинг малакасини доимий равишда ошириб бориш бўйича тегишли кўрсатма ва топшириқлар берилди