Жорий йилнинг 18 февраль куни Бош прокуратурада Ўзбекистон Республикаси Бош прокурори ўринбосари Светлана Артикованинг Гиёҳванд моддалар ва жиноятчилик бошқармаси Ўрта Осиё бўйича Минтақавий ваколатхонаси раҳбари Ашита Миттал билан учрашуви бўлиб ўтди.

Учрашув давомида одам савдоси ва трансмиллий уюшган жиноятчиликнинг бошқа турларига қарши курашиш соҳаларидаги ҳамкорлик алоқаларининг бугунги кундаги ҳолати ҳамда уни янада ривожлантиришнинг устувор йўналишлари муҳокама этилди.

Хусусан, Ўзбекистон Республикаси Бош прокуратураси билан Бирлашган Миллатлар Ташкилоти ўртасидаги Англашув Меморандуми доирасида ҳамкорлик алоқаларини янада жадаллаштириш мақсадида

2021-2022 йилларга мўлжалланган чора-тадбирлар режасини (“Йўл харитаси”) ишлаб чиқиш таклиф этилди.

Мулоқот давомида А.Миттал ҳамда ваколатхонанинг янги тайинланган одам савдоси ва муҳожирлар ноқонуний олиб ўтилишига қарши курашиш масалалари бўйича маслаҳатчиси Рэда Сиргедиене одам савдоси соҳасида республикада амалга оширилаётган ишлар, хусусан прокуратура органларининг ушбу йўналишдаги фаолияти билан қисқача таништирилди.

Учрашув иштирокчилари бўлиб ўтган мулоқотнинг ҳуқуқий соҳада ўзаро алоқаларнинг ривожланиши ва мустаҳкамланишида янги туртки бўлишини таъкидладилар.