Ажримлар болаларни азобламасин…

15:31 - 16.02.2021

5

Фарзанд тарбияси ҳар бир ота-она зиммасидаги масъулиятли вазифа саналади. Бироқ ҳаётда бундан бош тортадиган ота-оналар ҳам учраб туради. Албатта, бундай вазиятда суднинг қарорига кўра улардан бола таъминоти учун алимент ундирилади.

Фуқаролик ишлари бўйича Навоий вилояти судининг 2011 йил 29 ноябрдаги қарорига кўра И.Абдуназаровдан Ш.Файзиевага икки фарзанди учун ҳар ойлик даромадининг 1/3 қисми миқдорида алимент ундириш белгиланган. Ушбу ҳужжат бюронинг Навбаҳор тумани бўлимига келиб тушган.

И.Абдуназаров бир неча марта огоҳлантирилишига қарамасдан вояга етмаган фарзандларини моддий таъминлашдан бўйин товлаб юрди. Бу орада тўланмаган алимент миқдори 56 млн. 300 минг сўмга етди.

И.Абдуназаровга қарзини тўламаса маъмурий қамоқ жазосига тортилиши, аммо барибир алиментни тўлашга мажбурлиги тушунтирилди. Натижада у фарзандлари 18 ёшга тўлгунига қадар тўлайдиган 140 млн. сўмлик алимент ҳисобига уй беришни маъқул топди.