Ҳалоллик ҳар қандай ишнинг муваффақиятини таъминлайди. Аммо орамизда қонунларга чап бериб, кўча-кўйда хорижий валютани алмаштиришни касб қилиб олганлар ҳамон учрамоқда. Бош прокуратура ҳузуридаги департамент ходимлари томонидан ўтказилаётган тадбирларда ана шундай қонунбузилишларни содир этаётган кимсаларнинг фаолиятига чек қўйилмоқда.

Шундайлардан бири Санъат Абриев (исм-фамилияси ўзгартирилган)дир. У қонунга зид равишда валютафурушлик билан шуғулланиб келган.

2020 йилнинг 3 март куни соат 13:30 ларда фуқаро Б.Нарзиевга ҳар бир АҚШ долларини 9550 сўмдан баҳолаб, 10 минг долларни 95 млн. 550 минг сўмга сотишга келишади. Нурота тумани Амир Темур кўчасида ушбу олди-сотдини амалга ошираётган вақтида департаментнинг Нурота тумани бўлими ва ДХХ ходимлари ўтказган тадбирда ашёвий далиллар билан ушланди.

Судда сўроқ қилинган С.Абриев айбига тўлиқ иқрор бўлган ҳолда кўрсатув берди. Унга 3 йил муддатга озодликни чеклаш жазоси тайинланди.