Ўрмончи 110 та дарахтни қулатди

15:29 - 23.12.2020

6

ћужчина рубит топором дерево в лесу

Халқимизда «Бирни кессанг, ўнни эк» деган нақл бор. Шаҳрихонлик Абдуллажон Бобоқулов учун бу нақлнинг аҳамияти йўқ шекилли. Акс ҳолда у ўз тасарруфида бўлмаган 145 гектар ўрмондаги ҳар бир дов-дарахтни асраб-авайлаган бўлур эди.

Андижон вилояти давлат ўрмон хўжалигининг Бўстон участкасида ўрмончи этиб тайинланган бу шахс 5 ойдан сўнг дарахт кесишни бошлаб юборди. Унинг раҳбарлари бу ишни вақтида пайқамади. Ўрмончи икки-уч ой ичида 110 та дарахтни қулатди. Уларни номаълум одамларга сал-кам 80 миллион сўмга сотиб юборди. Албатта, у дарахтларни кесиб сотиш билан чекланмади – кесилган дарахт атрофидаги бошқа ниҳолларни ҳам шикастлади, бу билан атроф-муҳитга 164 млн. 617 минг сўмлик зиён етказди. Жиноят ишлари бўйича Пахтаобод тумани суди мазкур туман табиатни муҳофаза қилиш инспекцияси биносида ушбу масалани кўриб чиқди. Жиноят кодексига кўра айбли деб топилган Абдуллажон Бобоқулов 1 йил муддатга моддий мансабдорлик вазифаларида ишлаш ҳуқуқидан маҳрум этилди. Унинг озодлиги ҳам 1 йилу 6 ойга чекланди.