Алиментдан воз кечди

15:54 - 09.12.2020

490

Мажбурий ижро бюросининг Кармана тумани бўлимида 2020 йилнинг 1 октябригача алимент ундируви билан боғлиқ 2296 та ижро иши бор эди.

Бугунги кунда давлат ижрочилари томонидан алимент билан боғлиқ профилактик суҳбатлар ўтказилиб, оиланинг муқаддаслиги, фарзандларнинг камолига икки тараф ҳам бирдай маъсуллиги тушунтирилмоқда. Натижада 128 та оила яраштирилиб, ижро ишлари тугатилди. Бундан ташқари, шошма-шошарлик билан судга алимент ундиришни сўраб мурожаат этган ва кейинчалик бирга яшаётган 12 та оиланинг ижро ишлари ундирувчиларга қайтарилди. Жумладан, Нурия Ўктамованинг алиментдан воз кечиш ҳақидаги аризаси 24 сентябрда фуқаролик ишлари бўйича Кармана туманлараро судида кўриб чиқилиб, мазкур суднинг 24 июндаги буйруғи асосида Шуҳрат Раҳимовдан ундириб келинаётган алиментдан воз кечишини қабул қилиш тўғрисида ажрим чиқарилди.