– Бўлди, бизнинг ишхонамизда ишламоқчимисиз? 200 доллар берсангиз, 1-тоифали ишчи лавозимига гаплашиб бераман…

Қарши шаҳар ободонлаштириш бошқармаси етакчи мутахассиси Т.А. ишга кирмоқчи бўлган фуқарога шундай таклиф айтди.

Фуқаро Э.Ж.нинг мурожаати юзасидан департаментнинг Қашқадарё вилояти бошқармаси ва ҳуқуқни муҳофаза қилувчи бошқа органлар ходимлари ҳамкорлигида Қарши шаҳрида ўтказилган тадбирда Т.А. Э.Ж.дан 200 АҚШ долларини корхона ишчиси А.С. орқали олган вақтида ушланди.

Мазкур ҳолат юзасидан Т.А.га нисбатан жиноят иши қўзғатилиб, суд ҳукми билан жазо муқаррарлиги таъминланди.