Фармон ижроси — амалда

17:45 - 24.11.2020

16

Кузнинг таровати кўнгилларга ҳарорат бағишлайди. Эрталабки изғирини, кундузги илиқлиги, кечки ҳавоси ёқимли. Шу аснода кузнинг сўнгги ойи ҳам ўтиб бормоқда. Кун давомида компьютерда ишлаш ҳар бир инсондан аввало соғлиқ, диққат ва қунтни талаб қилади.

Соғлом танда – соғ ақл дейди халқимиз. Шу боис давлатимиз раҳбарининг 30 октябрдаги «Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида»ги фармонини бажариш мақсадида республикамизнинг турли ҳудудларида «5000 қадам» акцияси ўтказилмоқда. Мажбурий ижро бюросининг Тошкент шаҳар бошқармаси ходимлари орасида «5000 қадам» акциясини Шайхонтоҳур тумани бўлими ходимлари бошлаб берди.

Кечаги ёмғирли кундан сўнг ҳамма ҳам эрта тонгдан кўчага талпинавермайди. Лекин соғлом турмуш тарзи ўзимиз учун фойдали. Юртдошларимизнинг буни англаётгани қувонарлидир.

Марғуба Амонова,

МИБ Тошкент шаҳар бошқармаси катта инспектори