Марҳамат тумани солиқ инспекциясининг қарорларига асосан «Андижон нефтгазқудуқтаъмирлаш» масъулияти чекланган жамиятдан жами 743 млн. 184 минг 200 сўм ундирилиши белгиланган бўлиб, Мажбурий ижро бюросининг Марҳамат тумани бўлими томонидан мазкур ҳолат юзасидан ижро ҳужжатлари бўйича қарздорга тегишли «Ласетти» автомашинаси хатланади ва вақтинча сақлаш учун жарима майдонига қўйилади.

Буни қарангки, тушунтиришлар самара берди ва «Андижон нефтгазқудуқтаъмирлаш» МЧЖ қарзини тўлиқ тўлади.

Умуман олганда эса Мажбурий ижро бюроси Марҳамат тумани бўлими 2020 йилнинг сентябрь ойининг ўзида 835 млн. 654 минг 100 сўм миқдоридаги солиқ қарзини ундирди.