Фуқаролик ишлари бўйича Фарғона туманлараро судининг 2019 йил 7 октябрь кунги жавобгар М.М.дан даъвогар Ш.О. фойдасига 48 млн. 28 минг сўм ундириш ҳақидаги ижро ҳужжати бўйича эр-хотин ўртасида умумий орттирилган мулкни, яъни Қувасой шаҳар А.Азизов кўчасида жойлашган кўпқаватли уйдаги хонадонни тенг тақсимлаш кўзда тутилган эди.

Жавобгар суд жараёнида хонадон қийматининг тенг ярмини тўлаб беришни зиммасига олган. Бироқ у ваъдасини бажармасдан, давлат ижрочисига кўриниш бермай қочиб юрди. Давлат ижрочиси томонидан суд ҳужжатида кўрсатилган хонадон бўйича олди-сотди ва бошқа ҳуқуқий муносабатларни амалга оширишга тақиқ қўйилган. Қарздор қарзини тўлаши мавҳум бўлиб қолгани ва у мажбуриятини бажармай юргани туфайли давлат ижрочиси хонадонни онлайн савдога қўйиш чораларини кўришга киришган. Шундан сўнггина М.М. уйидан айрилиб қолишни истамай 48 млн. 28 минг сўм қарзини бюронинг шаҳар бўлимида даъвогар, турмуш ўртоғи Ш.О.га топширди. Ижроси тўлиқ таъминланган ижро иши тамомланди.

Дониёрбек СИДДИҚОВ,
МИБ Фарғона вилояти бошқармаси катта инспектори